چاند سے پھول سے یا میری زباں سے سنئے

چاند سے پھول سے یا میری زباں سے سنئے

ہر جگہ آپ کا قصہ ہے جہاں سے سنئے

کیا ضروری ہے کہ ہر پردہ اٹھایا جائے

میرے حالات بھی اپنے ہی مکاں سے سنئے

سب کو آتا نہیں دنیا کو سجا کر جینا

زندگی کیا ہے محبت کی زباں سے سنئے

کون پڑھ سکتا ہے پانی پہ لکھی تحریریں

کس نے کیا لکھا ہے یہ آب رواں سے سنئے

چاند میں کیسے ہوئی قید کسی گھر کی خوشی

یہ کہانی کسی مسجد کی اذاں سے سنئے

chand se phul se ya meri zaban se suniye

har jagah ap ka qissa hai jahan se suniye

kya zaruri hai ke har parda uthaya jae

mere halat bhi apne hi makan se suniye

sab ko ata nahin duniya ko saja kar jina

zindagi kya hai mohabbat ki zaban se suniye

kaun parh sakta hai pani pe likhi tahriren

kis ne kya likha hai ye ab-e-rawan se suniye

chand mein kaise hui qaid kisi ghar ki khushi

ye kahani kisi masjid ki azan se suniye