ہجر شب میں اک قرار غائبانہ چاہئے

ہجر شب میں اک قرار غائبانہ چاہئے

غیب میں اک صورت ماہ شبانہ چاہئے

سن رہے ہیں جس کے چرچے شہر کی خلقت سے ہم

جا کے اک دن اس حسیں کو دیکھ آنا چاہئے

اس طرح آغاز شاید اک حیات نو کا ہو

پچھلی ساری زندگی کو بھول جانا چاہئے

وہ جہاں ہی دوسرا ہے وہ بہت دیر آشنا

اس جہاں میں اس سے ملنے کو زمانہ چاہئے

hijr shab mein ik qarar-e-ghaibana chahiye

ghaib mein ik surat-e-mah-e-shabana chahiye

sun rahe hain jis ke charche shahr ki khilqat se ham

ja ke ik din is hasin ko dekh ana chahiye

is tarah aghaz shayad ik hayat-e-nau ka ho

pichhli sari zindagi ko bhul jana chahiye

wo jahan hi dusra hai wo bahut der ashna

is jahan mein us se milne ko zamana chahiye