سحر کے خواب کا مجھ پر اثر کچھ دیر رہنے دو

سحر کے خواب کا مجھ پر اثر کچھ دیر رہنے دو

کسی کے حال کی مجھ کو خبر کچھ دیر رہنے دو

جڑے ہیں ان سے نادیدہ پرانے بام و دروازے

نئے شہروں میں یہ ویران گھر کچھ دیر رہنے دو

کہیں گزرے ہوئے ایام پھر واپس نہ آ جائیں

دل بے خوف میں اس کا خطر کچھ دیر رہنے دو

منیرؔ اس عالم روشن میں رہنا اور خوش رہنا

ابھی اس دن سے آگے کا سفر کچھ دیر رہنے دو

sahar ke khwab ka mujh pur asar kuchh der rahne do

kisi ke hal ki mujh ko khabar kuchh der rahne do

jure hain un se nadida purane bam-o-darwaze

nae shahron mein ye wiran ghar kuchh der rahne do

kahin guzre hue ayyam phir wapas na a jaen

dil-e-be khauf mein us ka khatar kuchh der rahne do

munir is alam-e-raushan mein rahna aur khush rahna

abhi us din se age ka safar kuchh der rahne do