مثال سنگ کھڑا ہے اسی حسیں کی طرح

مثال سنگ کھڑا ہے اسی حسیں کی طرح

مکاں کی شکل بھی دیکھو دل مکیں کی طرح

ملائمت ہے اندھیرے میں اس کی سانسوں سے

دمک رہی ہیں وہ آنکھیں ہرے نگیں کی طرح

نواح قریہ ہے سنسان شام سرما میں

کسی قدیم زمانے کی سر زمیں کی طرح

زمین دور سے تارا دکھائی دیتی ہے

رکا ہے اس پہ قمر چشم سیر بیں کی طرح

فریب دیتی ہے وسعت نظر کی افقوں پر

ہے کوئی چیز وہاں سحر نیلمیں کی طرح

منیرؔ عہد ہے اب آخر مسافت کا

کہ چل رہی ہے ہوا باد واپسیں کی طرح

misal-e-sang khara hai isi hasin ki tarah

makan ki shakl bhi dekho dil makin ki tarah

mulaimat hai andhere mein us ki sanson se

damak rahi hain wo ankhen hare nagin ki tarah

nawah qarya hai sunsan sham-e-sarma mein

kisi qadim zamane ki sar zamin ki tarah

zamin dur se tara dikhai deti hai

ruka hai us pe qamar chashm-e-sair bin ki tarah

fareb deti hai wusat-e-nazar ki ufuqon par

hai koi chiz wahan sehr nilamen ki tarah

munir ahd hai ab akhir masafat ka

ke chal rahi hai hawa bad wapasen ki tarah