نشیب وہم فراز گریز پا کے لیے

نشیب وہم فراز گریز پا کے لیے

حصار خاک ہے حد پر ہر انتہا کے لیے

وفور نشہ سے رنگت سیاہ سی ہے مری

جلا ہوں میں بھی عجب چشم سرمہ سا کے لیے

ہے ارد گرد گھنا بن ہرے درختوں کا

کھلا ہے در کسی دیوار میں ہوا کے لیے

زمیں ہے مسکن شر آسماں سراب آلود

ہے سارا عہد سزا میں کسی خطا کے لیے

اسیریٔ پس آئینۂ بقا اور تو

نکل کے آ بھی وہاں سے کبھی خدا کے لیے

کھڑا ہوں زیر فلک گنبد صدا میں منیرؔ

کہ جیسے ہاتھ اٹھا ہو کوئی دعا کے لیے

nasheb wahm faraz-e-gurez pa ke liye

hisar-e-khak hai had par har intiha ke liye

wafur-e-nasha se rangat siyah si hai miri

jala hun main bhi ajab chashm-e-surma sa ke liye

hai urad gard ghana ban hare darakhton ka

khula hai dar kisi diwar mein hawa ke liye

zamin hai maskan shar asman sarab alud

hai sara ahd-e-saza mein kisi khata ke liye

asiri-e-pas-e-aina-e-baqa aur to

nikal ke a bhi wahan se kabhi khuda ke liye

khara hun zer-e-falak gumbad-e-sada mein munir

ke jaise hath utha ho koi dua ke liye