رنگوں کی وحشتوں کا تماشا تھی بام شام

رنگوں کی وحشتوں کا تماشا تھی بام شام

طاری تھا ہر مکاں پہ جلال دوام شام

گلدستۂ جہات تھا نیرنگ راہ عشق

تھا اک طلسم حسن خیابان دام شام

آگے کی منزلوں کی طرف شام کا سفر

جیسے شبوں کے دل میں تھا شہر قیام شام

باندھے ہوئے ہیں وقت سبھی اس کے حکم میں

ہے جس خدا کے ہاتھ میں کار نظام شام

دھندلا گئی ہے شام شب خام سے منیرؔ

خالی ہوا کشش کی شرابوں سے جام شام

rangon ki wahshaton ka tamasha thi bam-e-sham

tari tha har makan pe jalal-e-dawam-e-sham

guldasta-e-jihat tha nairang-e-rah-e-ishq

tha ik tilism-e-husn khiyaban-e-dam-e-sham

age ki manzilon ki taraf sham ka safar

jaise shabon ke dil mein tha shahr-e-qayam-e-sham

bandhe hue hain waqt sabhi us ke hukm mein

hai jis khuda ke hath mein kar-e-nizam-e-sham

dhundla gai hai sham-e-shab kham se munir

khali hua kashish ki sharabon se jam-e-sham