رہتا ہے اک ہر اس سا قدموں کے ساتھ ساتھ

رہتا ہے اک ہر اس سا قدموں کے ساتھ ساتھ

چلتا ہے دشت دشت نوردوں کے ساتھ ساتھ

ہاتھوں کا ربط حرف خفی سے عجیب ہے

ہلتے ہیں ہاتھ راز کی باتوں کے ساتھ ساتھ

اٹھتی ہوئی فصیل فغاں حد شہر پر

گلیوں کی چپ قدیم مکانوں کے ساتھ ساتھ

سورج کی آب زہر ہے رنگوں کی آب کو

ہے دور تک بخار سا باغوں کے ساتھ ساتھ

عریاں ہوا ہے ماہ شب ابر و باد میں

جیسے سفید روشنی غاروں کے ساتھ ساتھ

آیا ہوں میں منیرؔ کسی کام کے لیے

رہتا ہے اک خیال سا خوابوں کے ساتھ ساتھ

rahta hai ik har is sa qadmon ke sath sath

chalta hai dasht dasht nawardon ke sath sath

hathon ka rabt harf-e-khafi se ajib hai

hilte hain hath raz ki baton ke sath sath

uthti hui fasil-e-fughan had-e-shahr par

galiyon ki chup qadim makanon ke sath sath

suraj ki ab zahr hai rangon ki ab ko

hai dur tak bukhar sa baghon ke sath sath

uryan hua hai mah-e-shab-e-abr-o-bad mein

jaise safed raushni gharon ke sath sath

aya hun main munir kisi kam ke liye

rahta hai ik khayal sa khwabon ke sath sath