شام کے مسکن میں ویراں میکدے کا در کھلا

شام کے مسکن میں ویراں میکدے کا در کھلا

باب گزری صحبتوں کا خواب کے اندر کھلا

کچھ نہ تھا جز خواب وحشت وہ وفا اس عہد کی

راز اتنی دیر کا اس عمر میں آ کر کھلا

بن میں سرگوشی ہوئی آثار ابر و باد سے

بند غم سے جیسے اک اشجار کا لشکر کھلا

جگمگا اٹھا اندھیرے میں مری آہٹ سے وہ

یہ عجب اس بت کا میری آنکھ پر جوہر کھلا

سبزۂ نورستہ کی خوشبو تھی ساحل پر منیرؔ

بادلوں کا رنگ چھتری کی طرح سر پر کھلا

sham ke maskan mein wiran maikade ka dar khula

bab guzri sohbaton ka khwab ke andar khula

kuchh na tha juz khwab wahshat wo wafa is ahd ki

raz itni der ka is umr mein a kar khula

ban mein sargoshi hui asar-e-abr-o-bad se

band-e-gham se jaise ik ashjar ka lashkar khula

jagmaga utha andhere mein miri ahat se wo

ye ajab us but ka meri ankh par jauhar khula

sabza-e-naurusta ki khushbu thi sahil par munir

badalon ka rang chhatri ki tarah sar par khula