بے گانگی کا ابر گراں بار کھل گیا

بے گانگی کا ابر گراں بار کھل گیا

شب میں نے اس کو چھیڑا تو وہ یار کھل گیا

گلیوں میں شام ہوتے ہی نکلے حسین لوگ

ہر رہ گزر پہ طبلۂ عطار کھل گیا

ہم نے چھپایا لاکھ مگر چھپ نہیں سکا

انجام کار راز دل زار کھل گیا

تھا عشرت شبانہ کی سرمستیوں میں بند

باد سحر سے دیدۂ گلبار کھل گیا

آیا وہ بام پر تو کچھ ایسا لگا منیرؔ

جیسے فلک پہ رنگ کا بازار کھل گیا

be gangi ka abr-e-giran bar khul gaya

shab main ne us ko chhera to wo yar khul gaya

galiyon mein sham hote hi nikle hasin log

har rah guzar pe tabla-e-attar khul gaya

ham ne chhupaya lakh magar chhup nahin saka

anjam-e-kar raz-e-dil-e-zar khul gaya

tha ishrat-e-shabana ki sarmastiyon mein band

bad-e-sahar se dida-e-gulbar khul gaya

aya wo bam par to kuchh aisa laga munir

jaise falak pe rang ka bazar khul gaya