مکاں میں قید صدا کی دہشت

مکاں میں قید صدا کی دہشت

مکاں سے باہر خلا کی دہشت

ہوا ہے خوف خدا سے خالی

ہے اس نگر میں بلا کی دہشت

گھرا ہوا ہوں میں ہر طرف سے

ہے آئنے میں ہوا کی دہشت

زمیں پہ ہر سمت حد آخر

فلک پہ لا انتہا کی دہشت

شجر کے سائے میں موت دیکھو

ثمر میں اس کے فنا کی دہشت

makan mein qaid-e-sada ki dahshat

makan se bahar khala ki dahshat

hua hai khauf-e-khuda se khali

hai is nagar mein bala ki dahshat

ghira hua hun main har taraf se

hai aine mein hawa ki dahshat

zamin pe har samt had-e-akhir

falak pe la intiha ki dahshat

shajar ke sae mein maut dekho

samar mein us ke fana ki dahshat