خواب و خیال گل سے کدھر جائے آدمی

خواب و خیال گل سے کدھر جائے آدمی

اک گلشن ہوا ہے جدھر جائے آدمی

دیکھے ہوئے سے لگتے ہیں رستے مکاں مکیں

جس شہر میں بھٹک کے جدھر جائے آدمی

دیکھے ہیں وہ نگر کہ ابھی تک ہوں خوف میں

وہ صورتیں ملی ہیں کہ ڈر جائے آدمی

یہ بحر ہست و بود ہے بے گوہر مراد

گہرائیوں میں اس کی اگر جائے آدمی

پردے میں رنگ و بو کے سفر در سفر منیرؔ

ان منزلوں سے کیسے گزر جائے آدمی

khwab-o-khayal-e-gul se kidhar jae admi

ik gulshan hua hai jidhar jae admi

dekhe hue se lagte hain raste makan makin

jis shahr mein bhatak ke jidhar jae admi

dekhe hain wo nagar ke abhi tak hun khauf mein

wo suraten mili hain ke dar jae admi

ye bahr hast-o-bud hai be gauhar murad

gahraiyon mein us ki agar jae admi

parde mein rang-o-bu ke safar dar safar munir

in manzilon se kaise guzar jae admi