اک عالم ہجراں ہی اب ہم کو پسند آیا

اک عالم ہجراں ہی اب ہم کو پسند آیا

یہ خانۂ ویراں ہی اب ہم کو پسند آیا

بے نام و نشاں رہنا غربت کے علاقے میں

یہ شہر بھی دل کش تھا تب ہم کو پسند آیا

تھا لال ہوا منظر سورج کے نکلنے سے

وہ وقت تھا وہ چہرہ جب ہم کو پسند آیا

ہے قطع تعلق سے دل خوش بھی بہت اپنا

اک حد ہی بنا لینا کب ہم کو پسند آیا

آنا وہ منیرؔ اس کا بے خوف و خطر ہم تک

یہ طرفہ تماشا بھی شب ہم کو پسند آیا

ik alam hijran hi ab ham ko pasand aya

ye khana-e-wiran hi ab ham ko pasand aya

be nam-o-nishan rahna ghurbat ke ilaqe mein

ye shahr bhi dil kash tha tab ham ko pasand aya

tha lal hua manzar suraj ke nikalne se

wo waqt tha wo chehra jab ham ko pasand aya

hai qat-e-taalluq se dil khush bhi bahut apna

ik had hi bana lena kab ham ko pasand aya

ana wo munir us ka be khauf-o-khatar ham tak

ye turfa tamasha bhi shab ham ko pasand aya