خلش ہجر دائمی نہ گئی

خلش ہجر دائمی نہ گئی

تیرے رخ سے یہ بے رخی نہ گئی

پوچھتے ہیں کہ کیا ہوا دل کو

حسن والوں کی سادگی نہ گئی

سر سے سودا گیا محبت کا

دل سے پر اس کی بے کلی نہ گئی

اور سب کی حکایتیں کہہ دیں

بات اپنی کبھی کہی نہ گئی

ہم بھی گھر سے منیرؔ تب نکلے

بات اپنوں کی جب سہی نہ گئی

khalish-e-hijr daimi na gai

tere rukh se ye be rukhi na gai

puchhte hain ke kya hua dil ko

husn walon ki sadgi na gai

sar se sauda gaya mohabbat ka

dil se par us ki be kali na gai

aur sab ki hikayaten kah den

bat apni kabhi kahi na gai

ham bhi ghar se munir tab nikle

bat apnon ki jab sahi na gai