صحن کو چمکا گئی بیلوں کو گیلا کر گئی

صحن کو چمکا گئی بیلوں کو گیلا کر گئی

رات بارش کی فلک کو اور نیلا کر گئی

دھوپ ہے اور زرد پھولوں کے شجر ہر راہ پر

اک ضیائے زہر سب سڑکوں کو پیلا کر گئی

کچھ تو اس کے اپنے دل کا درد بھی شامل ہی تھا

کچھ نشے کی لہر بھی اس کو سریلا کر گئی

بیٹھ کر میں لکھ گیا ہوں درد دل کا ماجرا

خون کی اک بوند کاغذ کو رنگیلا کر گئی

sehn ko chamka gai bilon ko gila kar gai

rat barish ki falak ko aur nila kar gai

dhup hai aur zard phulon ke shajar har rah par

ik ziya-e-zahr sab sarkon ko pila kar gai

kuchh to us ke apne dil ka dard bhi shamil hi tha

kuchh nashe ki lahr bhi us ko surila kar gai

baith kar main likh gaya hun dard-e-dil ka majra

khun ki ik bund kaghaz ko rangila kar gai