دل کا سفر بس ایک ہی منزل پہ بس نہیں

دل کا سفر بس ایک ہی منزل پہ بس نہیں

اتنا خیال اس کا ہمیں اس برس نہیں

دیکھو گل بہار اثر دشت شام میں

دیوار و در کوئی بھی کہیں پیش و پس نہیں

آیا نہیں یقین بہت دیر تک ہمیں

اپنے ہی گھر کا در ہے یہ باب قفس نہیں

ایسا سفر ہے جس کی کوئی انتہا نہیں

ایسا مکاں ہے جس میں کوئی ہم نفس نہیں

آئے گی پھر بہار اسی شہر میں منیرؔ

تقدیر اس نگر کی فقط خار و خس نہیں

dil ka safar bas ek hi manzil pe bas nahin

itna khayal us ka hamen is baras nahin

dekho gul-e-bahar asar dasht-e-sham mein

diwar-o-dar koi bhi kahin pesh-o-pas nahin

aya nahin yaqin bahut der tak hamen

apne hi ghar ka dar hai ye bab-e-qafas nahin

aisa safar hai jis ki koi intiha nahin

aisa makan hai jis mein koi ham nafas nahin

aegi phir bahar isi shahr mein munir

taqdir is nagar ki faqat khar-o-khas nahin