ردا اس چمن کی اڑا لے گئی

ردا اس چمن کی اڑا لے گئی

درختوں کے پتے ہوا لے گئی

جو حرف اپنے دل کے ٹھکانوں میں تھے

بہت دور ان کو صدا لے گئی

چلا میں صعوبت سے پر راہ پر

جہاں تک مجھے انتہا لے گئی

گئی جس گھڑی شام سحر وفا

مناظر سے اک رنگ سا لے گئی

نشاں اک پرانا کنارے پہ تھا

اسے موج دریا بہا لے گئی

منیرؔ اتنا حسن اس زمانے میں تھا

کہاں اس کو کوئی بلا لے گئی

rida is chaman ki ura le gai

darakhton ke patte hua le gai

jo harf apne dil ke thikanon mein the

bahut dur un ko sada le gai

chala mein suubat se par rah par

jahan tak mujhe intiha le gai

gai jis ghari sham-e-sahar-e-wafa

manazir se ik rang sa le gai

nishan ik purana kinare pe tha

use mauj-e-dariya baha le gai

munir itna husn is zamane mein tha

kahan us ko koi bala le gai