امتحاں ہم نے دیئے اس دار فانی میں بہت

امتحاں ہم نے دیئے اس دار فانی میں بہت

رنج کھینچے ہم نے اپنی لا مکانی میں بہت

وہ نہیں اس سا تو ہے خواب بہار جاوداں

اصل کی خوشبو اڑی ہے اس کے ثانی میں بہت

رات دن کے آنے جانے میں یہ سونا جاگنا

فکر والوں کو پتے ہیں اس نشانی میں بہت

کوئلیں کوکیں بہت دیوار گلشن کی طرف

چاند دمکا حوض کے شفاف پانی میں بہت

اس کو کیا یادیں تھیں کیا اور کس جگہ پر رہ گئیں

تیز ہے دریائے دل اپنی روانی میں بہت

آج اس محفل میں تجھ کو بولتے دیکھا منیرؔ

تو کہ جو مشہور تھا یوں بے زبانی میں بہت

imtihan ham ne diye is dar fani mein bahut

ranj khinche ham ne apni la makani mein bahut

wo nahin is sa to hai khwab bahar-e-jawedan

asl ki khushbu uri hai us ke sani mein bahut

rat din ke ane jane mein ye sona jagna

fikr walon ko patte hain is nishani mein bahut

koyalen koken bahut diwar-e-gulshan ki taraf

chand damka hauz ke shaffaf pani mein bahut

us ko kya yaden thin kya aur kis jagah par rah gain

tez hai dariya-e-dil apni rawani mein bahut

aj is mahfil mein tujh ko bolte dekha munir

tu ke jo mashhur tha yun be zabani mein bahut