خمار شب میں اسے میں سلام کر بیٹھا

خمار شب میں اسے میں سلام کر بیٹھا

جو کام کرنا تھا مجھ کو وہ کام کر بیٹھا

قبائے زرد پہن کر وہ بزم میں آیا

گل حنا کو ہتھیلی میں تھام کر بیٹھا

چھپا گیا تھا محبت کا راز میں تو مگر

وہ بھول پن میں سخن دل کا عام کر بیٹھا

جو سو کے اٹھا تو رستہ اجاڑ لگتا تھا

پہنچنا تھا مجھے منزل پہ شام کر بیٹھا

تھکن سفر کی بدن شل سا کر گئی ہے منیرؔ

برا کیا جو سفر میں قیام کر بیٹھا

khumar-e-shab mein use main salam kar baitha

jo kam karna tha mujh ko wo kam kar baitha

qaba-e-zard pahan kar wo bazm mein aya

gul-e-hina ko hatheli mein tham kar baitha

chhupa gaya tha mohabbat ka raz mein to magar

wo bhul pan mein sukhan dil ka am kar baitha

jo so ke utha to rasta ujar lagta tha

pahunchna tha mujhe manzil pe sham kar baitha

thakan safar ki badan shil sa kar gai hai munir

bura kiya jo safar mein qayam kar baitha