سن بستیوں کا حال جو حد سے گزر گئیں

سن بستیوں کا حال جو حد سے گزر گئیں

ان امتوں کا ذکر جو رستوں میں مر گئیں

کر یاد ان دنوں کو کہ آباد تھیں یہاں

گلیاں جو خاک و خون کی دہشت سے بھر گئیں

صرصر کی زد میں آئے ہوئے بام و در کو دیکھ

کیسی ہوائیں کیسا نگر سرد کر گئیں

کیا باب تھے یہاں جو صدا سے نہیں کھلے

کیسی دعائیں تھیں جو یہاں بے اثر گئیں

تنہا اجاڑ برجوں میں پھرتا ہے تو منیرؔ

وہ زرفشانیاں ترے رخ کی کدھر گئیں

sun bastiyon ka hal jo had se guzar gain

in ummaton ka zikr jo raston mein mar gain

kar yad in dinon ko ke abad thin yahan

galiyan jo khak-o-khun ki dahshat se bhar gain

sarsar ki zad mein ae hue bam-o-dar ko dekh

kaisi hawaen kaisa nagar sard kar gain

kya bab the yahan jo sada se nahin khule

kaisi duaen thin jo yahan be asar gain

tanha ujar burjon mein phirta hai to munir

wo zarfishaniyan tire rukh ki kidhar gain