دل عجب مشکل میں ہے اب اصل رستے کی طرف

دل عجب مشکل میں ہے اب اصل رستے کی طرف

یاد پیچھے کھینچتی ہے آس آگے کی طرف

چھوڑ کر نکلے تھے جس کو دشت غربت کی طرف

دیکھنا شام و سحر اب گھر کے سائے کی طرف

ہے ابھی آغاز دن کا اس دیار قید میں

ہے ابھی سے دھیان سارا شب کے پہرے کی طرف

صبح کی روشن کرن گھر کے دریچے پر پڑی

ایک رخ چمکا ہوا میں اس کے شیشے کی طرف

دوریوں سے پر کشش ہیں منزلیں دونوں منیرؔ

میں رواں ہوں خواب میں ناپید قریے کی طرف

dil ajab mushkil mein hai ab asl raste ki taraf

yad pichhe khinchti hai as age ki taraf

chhor kar nikle the jis ko dasht-e-ghurbat ki taraf

dekhna sham-o-sahar ab ghar ke sae ki taraf

hai abhi aghaz din ka is dayar-e-qaid mein

hai abhi se dhyan sara shab ke pahre ki taraf

subh ki raushan kiran ghar ke dariche par pari

ek rukh chamka hawa mein us ke shishe ki taraf

duriyon se pur kashish hain manzilen donon munir

main rawan hun khwab mein napaid qariye ki taraf