جب بھی گھر کی چھت پر جائیں ناز دکھانے آ جاتے ہیں

جب بھی گھر کی چھت پر جائیں ناز دکھانے آ جاتے ہیں

کیسے کیسے لوگ ہمارے جی کو جلانے آ جاتے ہیں

دن بھر جو سورج کے ڈر سے گلیوں میں چھپ رہتے ہیں

شام آتے ہی آنکھوں میں وہ رنگ پرانے آ جاتے ہیں

جن لوگوں نے ان کی طلب میں صحراؤں کی دھول اڑائی

اب یہ حسیں ان کی قبروں پر پھول چڑھانے آ جاتے ہیں

کون سا وہ جادو ہے جس سے غم کی اندھیری سرد گپھا میں

لاکھ نسائی سانس دلوں کے روگ مٹانے آ جاتے ہیں

ز کے ریشمی رومالوں کو کس کس کی نظروں سے چھپائیں

کیسے ہیں وہ لوگ جنہیں یہ راز چھپانے آ جاتے ہیں

ہم بھی منیرؔ اب دنیا داری کر کے وقت گزاریں گے

ہوتے ہوتے جینے کے بھی لاکھ بہانے آ جاتے ہیں

jab bhi ghar ki chhat par jaen naz dikhane a jate hain

kaise kaise log hamare ji ko jalane a jate hain

din bhar jo suraj ke dar se galiyon mein chhup rahte hain

sham ate hi ankhon mein wo rang purane a jate hain

jin logon ne un ki talab mein sahraon ki dhul urai

ab ye hasin un ki qabron par phul charhane a jate hain

kaun sa wo jadu hai jis se gham ki andheri sard gupha mein

lakh nisai sans dilon ke rog mitane a jate hain

ze ke reshmi rumalon ko kis kis ki nazron se chhupaen

kaise hain wo log jinhen ye raz chhupane a jate hain

ham bhi munir ab duniya dari kar ke waqt guzarenge

hote hote jine ke bhi lakh bahane a jate hain