کیا جانے کس کی پیاس بجھانے کدھر گئیں

کیا جانے کس کی پیاس بجھانے کدھر گئیں

اس سر پہ جھوم کے جو گھٹائیں گزر گئیں

دیوانہ پوچھتا ہے یہ لہروں سے بار بار

کچھ بستیاں یہاں تھیں بتاؤ کدھر گئیں

اب جس طرف سے چاہے گزر جائے کارواں

ویرانیاں تو سب مرے دل میں اتر گئیں

پیمانہ ٹوٹنے کا کوئی غم نہیں مجھے

غم ہے تو یہ کہ چاندنی راتیں بکھر گئیں

پایا بھی ان کو کھو بھی دیا چپ بھی ہو رہے

اک مختصر سی رات میں صدیاں گزر گئیں

kya jane kis ki pyas bujhane kidhar gain

is sar pe jhum ke jo ghataen guzar gain

diwana puchhta hai ye lahron se bar bar

kuchh bastiyan yahan thin batao kidhar gain

ab jis taraf se chahe guzar jae karwan

wiraniyan to sab mire dil mein utar gain

paimana tutne ka koi gham nahin mujhe

gham hai to ye ke chandni raten bikhar gain

paya bhi un ko kho bhi diya chup bhi ho rahe

ik mukhtasar si rat mein sadiyan guzar gain