دل میں مہک رہے ہیں کسی آرزو کے پھول

دل میں مہک رہے ہیں کسی آرزو کے پھول

پلکوں پہ کھلنے والے ہیں شاید لہو کے پھول

اب تک ہے کوئی بات مجھے یاد حرف حرف

اب تک میں چن رہا ہوں کسی گفتگو کے پھول

کلیاں چٹک رہی تھیں کہ آواز تھی کوئی

اب تک سماعتوں میں ہیں اک خوش گلو کے پھول

میرے لہو کا رنگ ہے ہر نوک خار پر

صحرا میں ہر طرف ہیں مری جستجو کے پھول

دیوانے کل جو لوگ تھے پھولوں کے عشق میں

اب ان کے دامنوں میں بھرے ہیں رفو کے پھول

dil mein mahak rahe hain kisi arzu ke phul

palkon pe khulne wale hain shayad lahu ke phul

ab tak hai koi bat mujhe yad harf harf

ab tak main chun raha hun kisi guftugu ke phul

kaliyan chutak rahi thin ke awaz thi koi

ab tak samaaton mein hain ik khush galo ke phul

mere lahu ka rang hai har nok-e-khar par

sahra mein har taraf hain miri justuju ke phul

diwane kal jo log the phulon ke ishq mein

ab un ke damanon mein bhare hain rafu ke phul