دیکھا تو تھا یوں ہی کسی غفلت شعار نے

دیکھا تو تھا یوں ہی کسی غفلت شعار نے

دیوانہ کر دیا دل بے اختیار نے

اے آرزو کے دھندلے خرابو جواب دو

پھر کس کی یاد آئی تھی مجھ کو پکارنے

تجھ کو خبر نہیں مگر اک سادہ لوح کو

برباد کر دیا ترے دو دن کے پیار نے

میں اور تم سے ترک محبت کی آرزو

دیوانہ کر دیا ہے غم روزگار نے

اب اے دل تباہ ترا کیا خیال ہے

ہم تو چلے تھے کاکل گیتی سنوارنے

dekha to tha yun hi kisi ghaflat shiar ne

diwana kar diya dil-e-be ikhtiyar ne

ai arzu ke dhundle kharabo jawab-e-do

phir kis ki yad ai thi mujh ko pukarne

tujh ko khabar nahin magar ik sada lauh ko

barbad kar diya tire do din ke pyar ne

main aur tum se tark-e-mohabbat ki arzu

diwana kar diya hai gham-e-rozgar ne

ab ai dil-e-tabah tira kya khayal hai

ham to chale the kakul-e-giti sanwarne