خمار موسم خوشبو حد چمن میں کھلا

خمار موسم خوشبو حد چمن میں کھلا

مری غزل کا خزانہ ترے بدن میں کھلا

تم اس کا حسن کبھی اس کی بزم میں دیکھو

کہ ماہتاب سدا شب کے پیرہن میں کھلا

عجب نشہ تھا مگر اس کی بخشش لب میں

کہ یوں تو ہم سے بھی کیا کیا نہ وہ سخن میں کھلا

نہ پوچھ پہلی ملاقات میں مزاج اس کا

وہ رنگ رنگ میں سمٹا کرن کرن میں کھلا

بدن کی چاپ نگہ کی زباں بھی ہوتی ہے

یہ بھید ہم پہ مگر اس کی انجمن میں کھلا

کہ جیسے ابر ہوا کی گرہ سے کھل جائے

سفر کی شام مرا مہرباں تھکن میں کھلا

کہوں میں کس سے نشانی تھی کس مسیحا کی

وہ ایک زخم کہ محسنؔ مرے کفن میں کھلا

khumar mausam khushbu had chaman mein khula

miri ghazal ka khazana tire badan mein khula

tum us ka husn kabhi us ki bazm mein dekho

ke mahtab sada shab ke pairahan mein khula

ajab nasha tha magar us ki bakhshish lab mein

ke yun to ham se bhi kya kya na wo sukhan mein khula

na puchh pahli mulaqat mein mizaj us ka

wo rang rang mein simta kiran kiran mein khula

badan ki chap nigah ki zaban bhi hoti hai

ye bhed ham pe magar us ki anjuman mein khula

ke jaise abr hawa ki girah se khul jae

safar ki sham mira mehrban thakan mein khula

kahon main kis se nishani thi kis masiha ki

wo ek zakhm ke mohsin mire kafan mein khula