خود اپنے دل میں خراشیں اتارنا ہوں گی

خود اپنے دل میں خراشیں اتارنا ہوں گی

ابھی تو جاگ کے راتیں گزارنا ہوں گی

ترے لیے مجھے ہنس ہنس کے بولنا ہوگا

مرے لیے تجھے زلفیں سنوارنا ہوں گی

تری صدا سے تجھی کو تراشنا ہوگا

ہوا کی چاپ سے شکلیں ابھارنا ہوں گی

ابھی تو تیری طبیعت کو جیتنے کے لیے

دل و نگاہ کی شرطیں بھی ہارنا ہوں گی

ترے وصال کی خواہش کے تیز رنگوں سے

ترے فراق کی صبحیں نکھارنا ہوں گی

یہ شاعری یہ کتابیں یہ آیتیں دل کی

نشانیاں یہ سبھی تجھ پہ وارنا ہوں گی

khud apne dil mein kharashen utarna hongi

abhi to jag ke raten guzarna hongi

tire liye mujhe hans hans ke bolna hoga

mire liye tujhe zulfen sanwarna hongi

tiri sada se tujhi ko tarashna hoga

hawa ki chap se shaklen ubharna hongi

abhi to teri tabiat ko jitne ke liye

dil-o-nigah ki sharten bhi harna hongi

tire wisal ki khwahish ke tez rangon se

tire firaq ki subhen nikharna hongi

ye shayari ye kitaben ye ayaten dil ki

nishaniyan ye sabhi tujh pe warna hongi