بچھڑ کے مجھ سے یہ مشغلہ اختیار کرنا

بچھڑ کے مجھ سے یہ مشغلہ اختیار کرنا

ہوا سے ڈرنا بجھے چراغوں سے پیار کرنا

کھلی زمینوں میں جب بھی سرسوں کے پھول مہکیں

تم ایسی رت میں سدا مرا انتظار کرنا

جو لوگ چاہیں تو پھر تمہیں یاد بھی نہ آئیں

کبھی کبھی تم مجھے بھی ان میں شمار کرنا

کسی کو الزام بے وفائی کبھی نہ دینا

مری طرح اپنے آپ کو سوگوار کرنا

تمام وعدے کہاں تلک یاد رکھ سکو گے

جو بھول جائیں وہ عہد بھی استوار کرنا

یہ کس کی آنکھوں نے بادلوں کو سکھا دیا ہے

کہ سینۂ سنگ سے رواں آبشار کرنا

میں زندگی سے نہ کھل سکا اس لیے بھی محسنؔ

کہ بہتے پانی پہ کب تلک اعتبار کرنا

bichhar ke mujh se ye mashghala ikhtiyar karna

hawa se darna bujhe charaghon se pyar karna

khuli zaminon mein jab bhi sarson ke phul mahken

tum aisi rut mein sada mira intizar karna

jo log chahen to phir tumhen yad bhi na aen

kabhi kabhi tum mujhe bhi un mein shumar karna

kisi ko ilzam be wafai kabhi na dena

miri tarah apne ap ko sogwar karna

tamam waade kahan talak yad rakh sakoge

jo bhul jaen wo ahd bhi ustuwar karna

ye kis ki ankhon ne badalon ko sikha diya hai

ke sina-e-sang se rawan abshar karna

main zindagi se na khul saka is liye bhi mohsin

ke bahte pani pe kab talak etibar karna