بنام طاقت کوئی اشارہ نہیں چلے گا

بنام طاقت کوئی اشارہ نہیں چلے گا

اداس نسلوں پہ اب اجارہ نہیں چلے گا

ہم اپنی دھرتی سے اپنی ہر سمت خود تلاشیں

ہماری خاطر کوئی ستارہ نہیں چلے گا

حیات اب شام غم کی تشیبہ خود بنے گی

تمہاری زلفوں کا استعارہ نہیں چلے گا

چلو سروں کا خراج نوک سناں کو بخشیں

کہ جاں بچانے کا استخارہ نہیں چلے گا

ہمارے جذبے بغاوتوں کو تراشتے ہیں

ہمارے جذبوں پہ بس تمہارا نہیں چلے گا

ازل سے قائم ہیں دونوں اپنی ضدوں پہ محسنؔ

چلے گا پانی مگر کنارہ نہیں چلے گا

banam taqat koi ishara nahin chalega

udas naslon pe ab ijara nahin chalega

ham apni dharti se apni har samt khud talashen

hamari khatir koi sitara nahin chalega

hayat ab sham-e-gham ki tishiba khud banegi

tumhari zulfon ka istiara nahin chalega

chalo saron ka khiraj nok-e-sinan ko bakhshen

ke jan bachane ka istikhara nahin chalega

hamare jazbe baghawaton ko tarashte hain

hamare jazbon pe bas tumhara nahin chalega

azal se qaim hain donon apni zidon pe mohsin

chalega pani magar kinara nahin chalega