آپ کی آنکھ سے گہرا ہے مری روح کا زخم

آپ کی آنکھ سے گہرا ہے مری روح کا زخم

آپ کیا سوچ سکیں گے مری تنہائی کو

میں تو دم توڑ رہا تھا مگر افسردہ حیات

خود چلی آئی مری حوصلہ افزائی کو

لذت غم کے سوا تیری نگاہوں کے بغیر

کون سمجھا ہے مرے زخم کی گہرائی کو

میں بڑھاؤں گا تری شہرت خوشبو کا نکھار

تو دعا دے مرے افسانۂ رسوائی کو

وہ تو یوں کہیے کہ اک قوس قزح پھیل گئی

ورنہ میں بھول گیا تھا تری انگڑائی کو

ap ki ankh se gahra hai miri ruh ka zakhm

ap kya soch sakenge miri tanhai ko

main to dam tor raha tha magar afsurda hayat

khud chali ai miri hausla afzai ko

lazzat-e-gham ke siwa teri nigahon ke baghair

kaun samjha hai mire zakhm ki gahrai ko

main barhaunga tiri shohrat khushbu ka nikhar

tu dua de mire afsana-e-ruswai ko

wo to yun kahiye ke ik qaus-e-quzah phail gai

warna main bhul gaya tha tiri angrai ko