یہ دنیا تم کو راس آئے تو کہنا

یہ دنیا تم کو راس آئے تو کہنا

نہ سر پتھر سے ٹکرائے تو کہنا

یہ گل کاغذ ہیں یہ زیور ہیں پیتل

سمجھ میں جب یہ آ جائے تو کہنا

بہت خوش ہو کہ اس نے کچھ کہا ہے

نہ کہہ کر وہ مکر جائے تو کہنا

بدل جاؤ گے تم غم سن کے میرے

کبھی دل غم سے گھبرائے تو کہنا

دھواں جو کچھ گھروں سے اٹھ رہا ہے

نہ پورے شہر پر چھائے تو کہنا

ye duniya tum ko ras ae to kahna

na sar patthar se takrae to kahna

ye gul kaghaz hain ye zewar hain pital

samajh mein jab ye a jae to kahna

bahut khush ho ke us ne kuchh kaha hai

na kah kar wo makar jae to kahna

badal jaoge tum gham sun ke mere

kabhi dil gham se ghabrae to kahna

dhuan jo kuchh gharon se uth raha hai

na pure shahr par chhae to kahna