یقین کا اگر کوئی بھی سلسلہ نہیں رہا

یقین کا اگر کوئی بھی سلسلہ نہیں رہا

تو شکر کیجیے کہ اب کوئی گلا نہیں رہا

نہ ہجر ہے نہ وصل ہے اب اس کو کوئی کیا کہے

کہ پھول شاخ پر تو ہے مگر کھلا نہیں رہا

خزانہ تم نہ پائے تو غریب جیسے ہو گئے

پلک پہ اب کوئی بھی موتی جھلملا نہیں رہا

بدل گئی ہے زندگی بدل گئے ہیں لوگ بھی

خلوص کا جو تھا کبھی وہ اب صلا نہیں رہا

جو دشمنی بخیل سے ہوئی تو اتنی خیر ہے

کہ زہر اس کے پاس ہے مگر پلا نہیں رہا

لہو میں جذب ہو سکا نہ علم تو یہ حال ہے

کوئی سوال ذہن کو جو دے جلا نہیں رہا

yaqin ka agar koi bhi silsila nahin raha

tu shukr kijiye ke ab koi gila nahin raha

na hijr hai na wasl hai ab us ko koi kya kahe

ke phul shakh par to hai magar khula nahin raha

khazana tum na pae to gharib jaise ho gae

palak pe ab koi bhi moti jhilmila nahin raha

badal gai hai zindagi badal gae hain log bhi

khulus ka jo tha kabhi wo ab sala nahin raha

jo dushmani bakhil se hui to itni khair hai

ke zahr us ke pas hai magar pila nahin raha

lahu mein jazb ho saka na ilm to ye hal hai

koi sawal zehn ko jo de jala nahin raha