یاد اسے بھی ایک ادھورا افسانہ تو ہوگا

یاد اسے بھی ایک ادھورا افسانہ تو ہوگا

کل رستے میں اس نے ہم کو پہچانا تو ہوگا

ڈر ہم کو بھی لگتا ہے رستے کے سناٹے سے

لیکن ایک سفر پر اے دل اب جانا تو ہوگا

کچھ باتوں کے مطلب ہیں اور کچھ مطلب کی باتیں

جو یہ فرق سمجھ لے گا وہ دیوانہ تو ہوگا

دل کی باتیں نہیں ہے تو دلچسپ ہی کچھ باتیں ہوں

زندہ رہنا ہے تو دل کو بہلانا تو ہوگا

جیت کے بھی وہ شرمندہ ہے ہار کے بھی ہم نازاں

کم سے کم وہ دل ہی دل میں یہ مانا تو ہوگا

yad use bhi ek adhura afsana to hoga

kal raste mein us ne ham ko pahchana to hoga

dar ham ko bhi lagta hai raste ke sannate se

lekin ek safar par ai dil ab jana to hoga

kuchh baton ke matlab hain aur kuchh matlab ki baten

jo ye farq samajh lega wo diwana to hoga

dil ki baten nahin hai to dilchasp hi kuchh baten hun

zinda rahna hai to dil ko bahlana to hoga

jit ke bhi wo sharminda hai har ke bhi ham nazan

kam se kam wo dil hi dil mein ye mana to hoga