وہ ڈھل رہا ہے تو یہ بھی رنگت بدل رہی ہے

وہ ڈھل رہا ہے تو یہ بھی رنگت بدل رہی ہے

زمین سورج کی انگلیوں سے پھسل رہی ہے

جو مجھ کو زندہ جلا رہے ہیں وہ بے خبر ہیں

کہ میری زنجیر دھیرے دھیرے پگھل رہی ہے

میں قتل تو ہو گیا تمہاری گلی میں لیکن

مرے لہو سے تمہاری دیوار گل رہی ہے

نہ جلنے پاتے تھے جس کے چولھے بھی ہر سویرے

سنا ہے کل رات سے وہ بستی بھی جل رہی ہے

میں جانتا ہوں کہ خامشی میں ہی مصلحت ہے

مگر یہی مصلحت مرے دل کو کھل رہی ہے

کبھی تو انسان زندگی کی کرے گا عزت

یہ ایک امید آج بھی دل میں پل رہی ہے

wo dhal raha hai to ye bhi rangat badal rahi hai

zamin suraj ki ungliyon se phisal rahi hai

jo mujh ko zinda jala rahe hain wo be khabar hain

ke meri zanjir dhire dhire pighal rahi hai

main qatl to ho gaya tumhari gali mein lekin

mire lahu se tumhari diwar gul rahi hai

na jalne pate the jis ke chulhe bhi har sawere

suna hai kal rat se wo basti bhi jal rahi hai

main janta hun ke khamushi mein hi maslahat hai

magar yahi maslahat mire dil ko khul rahi hai

kabhi to insan zindagi ki karega izzat

ye ek ummid aj bhi dil mein pal rahi hai