سوکھی ٹہنی تنہا چڑیا پھیکا چاند

سوکھی ٹہنی تنہا چڑیا پھیکا چاند

آنکھوں کے صحرا میں ایک نمی کا چاند

اس ماتھے کو چومے کتنے دن بیتے

جس ماتھے کی خاطر تھا اک ٹیکا چاند

پہلے تو لگتی تھی کتنی بیگانہ

کتنا مبہم ہوتا ہے پہلی کا چاند

کم ہو کیسے ان خوشیوں سے تیرا غم

لہروں میں کب بہتا ہے ندی کا چاند

آؤ اب ہم اس کے بھی ٹکڑے کر لیں

ڈھاکہ راولپنڈی اور دلی کا چاند

sukhi tahni tanha chiriya phika chand

ankhon ke sahra mein ek nami ka chand

is mathe ko chume kitne din bite

jis mathe ki khatir tha ik teka chand

pahle to lagti thi kitni begana

kitna mubham hota hai pahli ka chand

kam ho kaise in khushiyon se tera gham

lahron mein kab bahta hai nadi ka chand

ao ab ham us ke bhi tukre kar len

dhaikka rawalpindi aur dili ka chand