سچ یہ ہے بیکار ہمیں غم ہوتا ہے

سچ یہ ہے بیکار ہمیں غم ہوتا ہے

جو چاہا تھا دنیا میں کم ہوتا ہے

ڈھلتا سورج پھیلا جنگل رستہ گم

ہم سے پوچھو کیسا عالم ہوتا ہے

غیروں کو کب فرصت ہے دکھ دینے کی

جب ہوتا ہے کوئی ہمدم ہوتا ہے

زخم تو ہم نے ان آنکھوں سے دیکھے ہیں

لوگوں سے سنتے ہیں مرہم ہوتا ہے

ذہن کی شاخوں پر اشعار آ جاتے ہیں

جب تیری یادوں کا موسم ہوتا ہے

sach ye hai bekar hamen gham hota hai

jo chaha tha duniya mein kam hota hai

dhalta suraj phaila jangal rasta gum

ham se puchho kaisa alam hota hai

ghairon ko kab fursat hai dukh dene ki

jab hota hai koi hamdam hota hai

zakhm to ham ne in ankhon se dekhe hain

logon se sunte hain marham hota hai

zehn ki shakhon par ashar a jate hain

jab teri yadon ka mausam hota hai