مجھ کو یقیں ہے سچ کہتی تھیں جو بھی امی کہتی تھیں

مجھ کو یقیں ہے سچ کہتی تھیں جو بھی امی کہتی تھیں

جب میرے بچپن کے دن تھے چاند میں پریاں رہتی تھیں

ایک یہ دن جب اپنوں نے بھی ہم سے ناطہ توڑ لیا

ایک وہ دن جب پیڑ کی شاخیں بوجھ ہمارا سہتی تھیں

ایک یہ دن جب ساری سڑکیں روٹھی روٹھی لگتی ہیں

ایک وہ دن جب آؤ کھیلیں ساری گلیاں کہتی تھیں

ایک یہ دن جب جاگی راتیں دیواروں کو تکتی ہیں

ایک وہ دن جب شاموں کی بھی پلکیں بوجھل رہتی تھیں

ایک یہ دن جب ذہن میں ساری عیاری کی باتیں ہیں

ایک وہ دن جب دل میں بھولی بھالی باتیں رہتی تھیں

ایک یہ دن جب لاکھوں غم اور کال پڑا ہے آنسو کا

ایک وہ دن جب ایک ذرا سی بات پہ ندیاں بہتی تھیں

ایک یہ گھر جس گھر میں میرا ساز و ساماں رہتا ہے

ایک وہ گھر جس گھر میں میری بوڑھی نانی رہتی تھیں

mujh ko yaqin hai sach kahti thin jo bhi ammi kahti thin

jab mere bachpan ke din the chand mein pariyan rahti thin

ek ye din jab apnon ne bhi ham se nata tor liya

ek wo din jab per ki shakhen bojh hamara sahti thin

ek ye din jab sari sarken ruthi ruthi lagti hain

ek wo din jab ao khelen sari galiyan kahti thin

ek ye din jab jagi raten diwaron ko takti hain

ek wo din jab shamon ki bhi palken bojhal rahti thin

ek ye din jab zehn mein sari ayyari ki baten hain

ek wo din jab dil mein bhuli bhali baten rahti thin

ek ye din jab lakhon gham aur kal para hai ansu ka

ek wo din jab ek zara si bat pe nadiyan bahti thin

ek ye ghar jis ghar mein mera saz-o-saman rahta hai

ek wo ghar jis ghar mein meri burhi nani rahti thin