مثال اس کی کہاں ہے کوئی زمانے میں

مثال اس کی کہاں ہے کوئی زمانے میں

کہ سارے کھونے کے غم پائے ہم نے پانے میں

وہ شکل پگھلی تو ہر شے میں ڈھل گئی جیسے

عجیب بات ہوئی ہے اسے بھلانے میں

جو منتظر نہ ملا وہ تو ہم ہیں شرمندہ

کہ ہم نے دیر لگا دی پلٹ کے آنے میں

لطیف تھا وہ تخیل سے خواب سے نازک

گنوا دیا اسے ہم نے ہی آزمانے میں

سمجھ لیا تھا کبھی اک سراب کو دریا

پر اک سکون تھا ہم کو فریب کھانے میں

جھکا درخت ہوا سے تو آندھیوں نے کہا

زیادہ فرق نہیں جھکنے ٹوٹ جانے میں

misal us ki kahan hai koi zamane mein

ke sare khone ke gham pae ham ne pane mein

wo shakl pighli to har shai mein dhal gai jaise

ajib bat hui hai use bhulane mein

jo muntazir na mila wo to ham hain sharminda

ke ham ne der laga di palat ke ane mein

latif tha wo takhayyul se khwab se nazuk

ganwa diya use ham ne hi azmane mein

samajh liya tha kabhi ik sarab ko dariya

par ik sukun tha ham ko fareb khane mein

jhuka darakht hawa se to andhiyon ne kaha

ziyada farq nahin jhukne tut jane mein