میرے دل میں اتر گیا سورج

میرے دل میں اتر گیا سورج

تیرگی میں نکھر گیا سورج

درس دے کر ہمیں اجالے کا

خود اندھیرے کے گھر گیا سورج

ہم سے وعدہ تھا اک سویرے کا

ہائے کیسا مکر گیا سورج

چاندنی عکس چاند آئینہ

آئینے میں سنور گیا سورج

ڈوبتے وقت زرد تھا اتنا

لوگ سمجھے کہ مر گیا سورج

mere dil mein utar gaya suraj

tirgi mein nikhar gaya suraj

dars de kar hamen ujale ka

khud andhere ke ghar gaya suraj

ham se waada tha ik sawere ka

hae kaisa makar gaya suraj

chandni aks chand aina

aine mein sanwar gaya suraj

dubte waqt zard tha itna

log samjhe ke mar gaya suraj