میں پا سکا نہ کبھی اس خلش سے چھٹکارا

میں پا سکا نہ کبھی اس خلش سے چھٹکارا

وہ مجھ سے جیت بھی سکتا تھا جانے کیوں ہارا

برس کے کھل گئے آنسو نتھر گئی ہے فضا

چمک رہا ہے سر شام درد کا تارا

کسی کی آنکھ سے ٹپکا تھا اک امانت ہے

مری ہتھیلی پہ رکھا ہوا یہ انگارا

جو پر سمیٹے تو اک شاخ بھی نہیں پائی

کھلے تھے پر تو مرا آسمان تھا سارا

وہ سانپ چھوڑ دے ڈسنا یہ میں بھی کہتا ہوں

مگر نہ چھوڑیں گے لوگ اس کو گر نہ پھنکارا

main pa saka na kabhi is khalish se chhutkara

wo mujh se jit bhi sakta tha jane kyun hara

baras ke khul gae ansu nithar gai hai faza

chamak raha hai sar-e-sham dard ka tara

kisi ki ankh se tapka tha ik amanat hai

miri hatheli pe rakha hua ye angara

jo par samete to ik shakh bhi nahin pai

khule the par to mira asman tha sara

wo sanp chhor de dasna ye main bhi kahta hun

magar na chhorenge log us ko gar na phunkara