میں کب سے کتنا ہوں تنہا تجھے پتا بھی نہیں

میں کب سے کتنا ہوں تنہا تجھے پتا بھی نہیں

ترا تو کوئی خدا ہے مرا خدا بھی نہیں

کبھی یہ لگتا ہے اب ختم ہو گیا سب کچھ

کبھی یہ لگتا ہے اب تک تو کچھ ہوا بھی نہیں

کبھی تو بات کی اس نے کبھی رہا خاموش

کبھی تو ہنس کے ملا اور کبھی ملا بھی نہیں

کبھی جو تلخ کلامی تھی وہ بھی ختم ہوئی

کبھی گلہ تھا ہمیں ان سے اب گلہ بھی نہیں

وہ چیخ ابھری بڑی دیر گونجی ڈوب گئی

ہر ایک سنتا تھا لیکن کوئی ہلا بھی نہیں

main kab se kitna hun tanha tujhe pata bhi nahin

tira to koi khuda hai mira khuda bhi nahin

kabhi ye lagta hai ab khatm ho gaya sab kuchh

kabhi ye lagta hai ab tak to kuchh hua bhi nahin

kabhi to bat ki us ne kabhi raha khamosh

kabhi to hans ke mila aur kabhi mila bhi nahin

kabhi jo talkh kalami thi wo bhi khatm hui

kabhi gila tha hamen un se ab gila bhi nahin

wo chikh ubhri bari der gunji dub gai

har ek sunta tha lekin koi hila bhi nahin