کھلا ہے در پہ ترا انتظار جاتا رہا

کھلا ہے در پہ ترا انتظار جاتا رہا

خلوص تو ہے مگر اعتبار جاتا رہا

کسی کی آنکھ میں مستی تو آج بھی ہے وہی

مگر کبھی جو ہمیں تھا خمار جاتا رہا

کبھی جو سینے میں اک آگ تھی وہ سرد ہوئی

کبھی نگاہ میں جو تھا شرار جاتا رہا

عجب سا چین تھا ہم کو کہ جب تھے ہم بے چین

قرار آیا تو جیسے قرار جاتا رہا

کبھی تو میری بھی سنوائی ہوگی محفل میں

میں یہ امید لیے بار بار جاتا رہا

khula hai dar pe tira intizar jata raha

khulus to hai magar etibar jata raha

kisi ki ankh mein masti to aj bhi hai wahi

magar kabhi jo hamen tha khumar jata raha

kabhi jo sine mein ik ag thi wo sard hui

kabhi nigah mein jo tha sharar jata raha

ajab sa chain tha ham ko ke jab the ham be chain

qarar aya to jaise qarar jata raha

kabhi to meri bhi sunwai hogi mahfil mein

main ye umid liye bar bar jata raha