جب آئینہ کوئی دیکھو اک اجنبی دیکھو

جب آئینہ کوئی دیکھو اک اجنبی دیکھو

کہاں پہ لائی ہے تم کو یہ زندگی دیکھو

محبتوں میں کہاں اپنے واسطے فرصت

جسے بھی چاہے وہ چاہے مری خوشی دیکھو

جو ہو سکے تو زیادہ ہی چاہنا مجھ کو

کبھی جو میری محبت میں کچھ کمی دیکھو

جو دور جائے تو غم ہے جو پاس آئے تو درد

نہ جانے کیا ہے وہ کمبخت آدمی دیکھو

اجالا تو نہیں کہہ سکتے اس کو ہم لیکن

ذرا سی کم تو ہوئی ہے یہ تیرگی دیکھو

jab aina koi dekho ik ajnabi dekho

kahan pe lai hai tum ko ye zindagi dekho

mohabbaton mein kahan apne waste fursat

jise bhi chahe wo chahe miri khushi dekho

jo ho sake to ziyada hi chahna mujh ko

kabhi jo meri mohabbat mein kuchh kami dekho

jo dur jae to gham hai jo pas ae to dard

na jane kya hai wo kambakht admi dekho

ujala to nahin kah sakte us ko ham lekin

zara si kam to hui hai ye tirgi dekho