ہم تو بچپن میں بھی اکیلے تھے

ہم تو بچپن میں بھی اکیلے تھے

صرف دل کی گلی میں کھیلے تھے

اک طرف مورچے تھے پلکوں کے

اک طرف آنسوؤں کے ریلے تھے

تھیں سجی حسرتیں دکانوں پر

زندگی کے عجیب میلے تھے

خود کشی کیا دکھوں کا حل بنتی

موت کے اپنے سو جھمیلے تھے

ذہن و دل آج بھوکے مرتے ہیں

ان دنوں ہم نے فاقے جھیلے تھے

ham to bachpan mein bhi akele the

sirf dil ki gali mein khele the

ik taraf morche the palkon ke

ik taraf ansuon ke rele the

thin saji hasraten dukanon par

zindagi ke ajib mele the

khud kashi kya dukhon ka hal banti

maut ke apne so jhamele the

zehn-o-dil aj bhuke marte hain

in dinon ham ne faqe jhele the