دکھ کے جنگل میں پھرتے ہیں کب سے مارے مارے لوگ

دکھ کے جنگل میں پھرتے ہیں کب سے مارے مارے لوگ

جو ہوتا ہے سہہ لیتے ہیں کیسے ہیں بے چارے لوگ

جیون جیون ہم نے جگ میں کھیل یہی ہوتے دیکھا

دھیرے دھیرے جیتی دنیا دھیرے دھیرے ہارے لوگ

وقت سنگھاسن پر بیٹھا ہے اپنے راگ سناتا ہے

سنگت دینے کو پاتے ہیں سانسوں کے اکتارے لوگ

نیکی اک دن کام آتی ہے ہم کو کیا سمجھاتے ہو

ہم نے بے بس مرتے دیکھے کیسے پیارے پیارے لوگ

اس نگری میں کیوں ملتی ہے روٹی سپنوں کے بدلے

جن کی نگری ہے وہ جانیں ہم ٹھہرے بنجارے لوگ

dukh ke jangal mein phirte hain kab se mare mare log

jo hota hai sah lete hain kaise hain be chare log

jiwan jiwan ham ne jag mein khel yahi hote dekha

dhire dhire jiti duniya dhire dhire hare log

waqt singhasan par baitha hai apne rag sunata hai

sangat dene ko pate hain sanson ke iktare log

neki ik din kam ati hai ham ko kya samjhate ho

ham ne be bas marte dekhe kaise pyare pyare log

is nagri mein kyun milti hai roti sapnon ke badle

jin ki nagri hai wo janen ham thahre banjare log