درد کچھ دن تو میہماں ٹھہرے

درد کچھ دن تو میہماں ٹھہرے

ہم بضد ہیں کہ میزباں ٹھہرے

صرف تنہائی صرف ویرانی

یہ نظر جب اٹھے جہاں ٹھہرے

کون سے زخم پر پڑاؤ کیا

درد کے قافلے کہاں ٹھہرے

کیسے دل میں خوشی بسا لوں میں

کیسے مٹھی میں یہ دھواں ٹھہرے

تھی کہیں مصلحت کہیں جرأت

ہم کہیں ان کے درمیاں ٹھہرے

dard kuchh din to mehman thahre

ham bazid hain ke mezban thahre

sirf-e-tanhai sirf wirani

ye nazar jab uthe jahan thahre

kaun se zakhm par parao kiya

dard ke qafile kahan thahre

kaise dil mein khushi basa lun main

kaise mutthi mein ye dhuan thahre

thi kahin maslahat kahin jurat

ham kahin un ke darmiyan thahre