درد کے پھول بھی کھلتے ہیں بکھر جاتے ہیں

درد کے پھول بھی کھلتے ہیں بکھر جاتے ہیں

زخم کیسے بھی ہوں کچھ روز میں بھر جاتے ہیں

راستہ روکے کھڑی ہے یہی الجھن کب سے

کوئی پوچھے تو کہیں کیا کہ کدھر جاتے ہیں

چھت کی کڑیوں سے اترتے ہیں مرے خواب مگر

میری دیواروں سے ٹکرا کے بکھر جاتے ہیں

نرم الفاظ بھلی باتیں مہذب لہجے

پہلی بارش ہی میں یہ رنگ اتر جاتے ہیں

اس دریچے میں بھی اب کوئی نہیں اور ہم بھی

سر جھکائے ہوئے چپ چاپ گزر جاتے ہیں

dard ke phul bhi khulte hain bikhar jate hain

zakhm kaise bhi hun kuchh roz mein bhar jate hain

rasta roke khari hai yahi uljhan kab se

koi puchhe to kahen kya ke kidhar jate hain

chhat ki kariyon se utarte hain mire khwab magar

meri diwaron se takra ke bikhar jate hain

narm alfaz bhali baten mohazzab lahje

pahli barish hi mein ye rang utar jate hain

is dariche mein bhi ab koi nahin aur ham bhi

sar jhukae hue chup chap guzar jate hain