ابھی ضمیر میں تھوڑی سی جان باقی ہے

ابھی ضمیر میں تھوڑی سی جان باقی ہے

ابھی ہمارا کوئی امتحان باقی ہے

ہمارے گھر کو تو اجڑے ہوئے زمانہ ہوا

مگر سنا ہے ابھی وہ مکان باقی ہے

ہماری ان سے جو تھی گفتگو وہ ختم ہوئی

مگر سکوت سا کچھ درمیان باقی ہے

ہمارے ذہن کی بستی میں آگ ایسی لگی

کہ جو تھا خاک ہوا اک دکان باقی ہے

وہ زخم بھر گیا عرصہ ہوا مگر اب تک

ذرا سا درد ذرا سا نشان باقی ہے

ذرا سی بات جو پھیلی تو داستان بنی

وہ بات ختم ہوئی داستان باقی ہے

اب آیا تیر چلانے کا فن تو کیا آیا

ہمارے ہاتھ میں خالی کمان باقی ہے

abhi zamir mein thori si jan baqi hai

abhi hamara koi imtihan baqi hai

hamare ghar ko to ujre hue zamana hua

magar suna hai abhi wo makan baqi hai

hamari un se jo thi guftugu wo khatm hui

magar sukut sa kuchh darmiyan baqi hai

hamare zehn ki basti mein ag aisi lagi

ke jo tha khak hua ik dukan baqi hai

wo zakhm bhar gaya arsa hua magar ab tak

zara sa dard zara sa nishan baqi hai

zara si bat jo phaili to dastan bani

wo bat khatm hui dastan baqi hai

ab aya tir chillane ka fan to kya aya

hamare hath mein khali kaman baqi hai