زلفیں سینہ ناف کمر

زلفیں سینہ ناف کمر

ایک ندی میں کتنے بھنور

صدیوں صدیوں میرا سفر

منزل منزل راہ گزر

کتنا مشکل کتنا کٹھن

جینے سے جینے کا ہنر

گاؤں میں آ کر شہر بسے

گاؤں بچارے جائیں کدھر

پھونکنے والے سوچا بھی

پھیلے گی یہ آگ کدھر

لاکھ طرح سے نام ترا

بیٹھا لکھوں کاغذ پر

چھوٹے چھوٹے ذہن کے لوگ

ہم سے ان کی بات نہ کر

پیٹ پہ پتھر باندھ نہ لے

ہاتھ میں سجتے ہیں پتھر

رات کے پیچھے رات چلے

خواب ہوا ہر خواب سحر

شب بھر تو آوارہ پھرے

لوٹ چلیں اب اپنے گھر

zulfen sina naf kamar

ek nadi mein kitne bhanwar

sadiyon sadiyon mera safar

manzil manzil rah guzar

kitna mushkil kitna kathin

jine se jine ka hunar

gaon mein a kar shahr base

gaon bachare jaen kidhar

phunkne wale socha bhi

phailegi ye ag kidhar

lakh tarah se nam tira

baitha likhun kaghaz par

chhote chhote zehn ke log

ham se un ki bat na kar

pet pe patthar bandh na le

hath mein sajte hain patthar

rat ke pichhe rat chale

khwab hua har khwab-e-sahar

shab bhar to awara phire

laut chalen ab apne ghar