زندگی تجھ کو بھلایا ہے بہت دن ہم نے

زندگی تجھ کو بھلایا ہے بہت دن ہم نے

وقت خوابوں میں گنوایا ہے بہت دن ہم نے

اب یہ نیکی بھی ہمیں جرم نظر آتی ہے

سب کے عیبوں کو چھپایا ہے بہت دن ہم نے

تم بھی اس دل کو دکھا لو تو کوئی بات نہیں

اپنا دل آپ دکھایا ہے بہت دن ہم نے

مدتوں ترک تمنا پہ لہو رویا ہے

عشق کا قرض چکایا ہے بہت دن ہم نے

کیا پتا ہو بھی سکے اس کی تلافی کہ نہیں

شاعری تجھ کو گنوایا ہے بہت دن ہم نے

zindagi tujh ko bhulaya hai bahut din ham ne

waqt khwabon mein ganwaya hai bahut din ham ne

ab ye neki bhi hamen jurm nazar ati hai

sab ke aibon ko chhupaya hai bahut din ham ne

tum bhi is dil ko dikha lo to koi bat nahin

apna dil ap dikhaya hai bahut din ham ne

muddaton tark-e-tamanna pe lahu roya hai

ishq ka qarz chukaya hai bahut din ham ne

kya pata ho bhi sake us ki talafi ke nahin

shayari tujh ko ganwaya hai bahut din ham ne