زمیں ہوگی کسی قاتل کا داماں ہم نہ کہتے تھے

زمیں ہوگی کسی قاتل کا داماں ہم نہ کہتے تھے

اکارت جائے گا خون شہیداں ہم نہ کہتے تھے

علاج چاک پیراہن ہوا تو اس طرح ہوگا

سیا جائے گا کانٹوں سے گریباں ہم نہ کہتے تھے

ترانے کچھ دئیے لفظوں میں خود کو قید کر لیں گے

عجب انداز سے پھیلے گا زنداں ہم نہ کہتے تھے

کوئی اتنا نہ ہوگا لاش بھی لے جا کے دفنا دے

انہیں سڑکوں پہ مر جائے گا انساں ہم نہ کہتے تھے

نظر لپٹی ہے شعلوں میں لہو تپتا ہے آنکھوں میں

اٹھا ہی چاہتا ہے کوئی طوفاں ہم نہ کہتے تھے

چھلکتے جام میں بھیگی ہوئی آنکھیں اتر آئیں

ستائے گی کسی دن یاد یاراں ہم نہ کہتے تھے

نئی تہذیب کیسے لکھنؤ کو راس آئے گی

اجڑ جائے گا یہ شہر غزالاں ہم نہ کہتے تھے

zamin hogi kisi qatil ka daman ham na kahte the

akarat jaega khun-e-shahidan ham na kahte the

ilaj-e-chak pairahan hua to is tarah hoga

siya jaega kanton se gareban ham na kahte the

tarane kuchh diye lafzon mein khud ko qaid kar lenge

ajab andaz se phailega zindan ham na kahte the

koi itna na hoga lash bhi le ja ke dafna de

unhen sarkon pe mar jaega insan ham na kahte the

nazar lipti hai sholon mein lahu tapta hai ankhon mein

utha hi chahta hai koi tufan ham na kahte the

chhalakte jam mein bhigi hui ankhen utar aen

sataegi kisi din yad yaran ham na kahte the

nai tahzib kaise lakhnau ko ras aegi

ujar jaega ye shahr-e-ghazalan ham na kahte the